Opila

Errege-opilaren jatorria

Bilboko Errege-opil solidarioaren ekimena Caritas Bizkaiak jarri zuen martxan 2005ean. Krisi-garaia zen, eta gizartea haur eta gazteen pobreziaren aurkako borrokan inplikatu nahi izan zen.

Helburua horixe da oraindik ere, egoera horiek sortzen dituzten kausen inguruan sentsibilizatzea eta Caritas Bizkaiak adingabeen bizimodua hobetzeko garatzen dituen proiektuetarako fondoak biltzea.

Hori guztia lortzeko, ekitaldi berezi bat egiten da urtero, bilbotarren elkartasuna bideratzeko. Izan ere, Gabonetan zentzu berezia hartzen du sentimendu horrek.

Bilboko Errege-opil solidarioak oroitzapen berezia utzi nahi izaten du ekitaldira bertaratzen direnen artean. Komunitate izpirituak gizarte-eraldaketa dakarrela gogorarazi nahi dugu.

Hiru ezaugarri klasiko ditu, gizartera zabaltzeko hiru desio:

  • BOROBILA DA. Opil borobila da, hasiera eta amaierarik gabekoa, jarraitua, eta horrelakoa nahi dugu izatea gure elkartasuna: urte osokoa, borobila eta etenik gabekoa.
  • Partekatua, zatitua, eta berdintasunez banatua. Halakoak izan behar dira pertsonen eskura dauden baliabide eta aukerak, bakoitzak bere bizimodua garatzeko.
  • FRUITUZ BETEA. Fruituz betetako opila. Fruituak, emaitzak lortzen ditugu honen bidez, eta ikusten dugu keinu txikien bidez jende askoren errealitatea alda dezakegula. Gure leloa: “Zure keinuek dena aldatzen dute”. Horren bidez, keinu txiki eraldatzaileak egitera gonbidatu nahi dugu jende guztia.

XVII. edizioa

XVII. edizioa pandemia egoeran egingo dugu, baina Caritas Bizkaiak bizirik mantendu nahi du itxaropena, beldur eta ziurgabetasuna nagusitzen diren honetan. Edizio honetan azken hilabeteetako bizipen solidarioak gogoan hartu nahi ditugu, eta balioa eman herritarren konpromisoari eta justizia sozialaren alde eragileek burutzen duten sare-lanari.

Aurtengo Errege-opil Solidarioaren bidez, adierazi nahi dugu etorkizunera begira gaudela, eta orain ditugun aukeren arabera jarduten dugula, beti hobera egiteko asmoz. Gure esku ere badago. Elkarrekin, konpromisoa hartuta, etorkizuna nahi dugun lekutik bideratu dezakegu, eta pertsona guztiontzako bizimodu hobea lortu.

Pobrezia belaunaldiz belaunaldi transmititzen da, eta guk horren aurka egiten dugu, gizarte-bazterkeria edo babesgabetasun egoeran dauden haur eta gazteei aukerak errazteko. Aurten, haur asko pairatzen ari diren arrakala digitala gainditzeko lanean zentratzen ari gara bereziki, izan ere, askok ez daukate baliabide nahikorik beren ikasketa-prozesuak behar den moduan jarraitzeko.

Osasun-neurriak betez, aurtengo ekitaldia instalazio itxian egingo da, edukiera kontrolatuta. Hori guztia posible izango da Euskal Museoari esker, izan ere, lekua utzi digute eta beren aplikazioa erabiltzeko aukera eman digute, sarrerak saltzeko. Horrela, opil-zati solidarioak aldez aurretik saltzeko aukera daukagu, edukiera kontrolatuz.

Era berean, opila eta txokolatea eramateko formatuan banatuko zaie bertaratzen direnei. Material birziklatu eta berrerabilgarrian emango da, pack moduko batean, eta kalean edozein txokotan jateko aukera izango da. Horrela, jende pilaketak saihestuko dira.

Deialdia

Urtarrilak 5, 10:00etatik 14:00etara, Euskal Museoan (Gurutze kaletik sartuta).

egun
ordu
minutu
segundu

falta dira

Aldez aurreko salmenta

Digitala

Opil-zatiak aldez aurretik salduko dira, sarrera formatuan, museoko webgunean. Lotura:

Aurrez aurrekoa

Opil-zatiak aurrez aurre erosteko aukera izango da leku eta ordutegi hauetan:

EKITALDIAREN AURRETIK HARTUTAKO OSASUN NEURRIAK

  • Ekitaldia garatzeko beharrezko baimenak lortu eta dagozkion jakinarazpenak egitea, osasun-agintariei dagokienez.

 

 

  • Euskal Museora datozen bisitari kopuruaren erregistro-sistema bat inplementatzea ekitaldiaren garapenean, sarreren erosketaren bidez (https://www.euskalmuseoa.eus/es/sarrerak/). Bertaratzen diren pertsonen identifikazio-erregistroa egitea, harremanetarako daukagun informazioarekin. Osasun-agintariek soilik edukiko dute erregistro hori ikusteko aukera, hala eskatzen badute. Datu pertsonalen babesaren inguruko arau guztiak beteko dira, eta egun gutxira datu guztiak suntsituko dira.

 

  • Opilaren hasierako mozketa ofiziala ez da egingo, eta banaketarako tartea luzatuko da, modu eskalonatuan egin ahal izateko.

 

  • Errazioen salmenta modu eskalonatuan planifikatzea, eta edukiera mugatuta, ordu laurdeneko tarteetan Kontrol hori museoak sarrerak saltzeko jarritako aplikazioaren bidez garatuko da, eta adieraziko da ez dela posible izango salmenta-tiketean jarritako ordua baino lehen sartzea.
  • Opil zatiak eramateko ontzietan emango da. Ingurumena errespetatzen duten ontziak izango dira, eta, horrela, opila instalazioetatik kanpo jan ahal izango da, osasun-neurriak betez.

EKITALDIAN MANTENDUKO DIREN OSASUN NEURRIAK

Lekua egokitzea:

  • Garbiketa-protokoloak sendotu eta lekuaren desinfekzioa egitea.
  • Museora sartzeko guneak aldatzea (ekitaldia burutuko den lekua), ohiko bisita-ibilbidea aldatuz eta sarbidea Santos Juanes kalean jarriz.
  • Opila banatuko den lekura heltzeko bidea seinaleztatzea, lurreko seinaleen bidez.
  • Eskuak garbitzeko soluzio hidroalkoholikoa egongo da, eta sarreran tenperatura hartuko da.
  • Boluntario-talde batek pertsonen arteko distantziak mantentzen direla zainduko du, baita gainerako neurriak betetzen direla ere.

Bertaratzen diren pertsonentzako gomendioak:

  • Isolamendu egoeran edo berrogeialdian egotekotan, ez bertaratu, helbide honetan jar zaitezke harremanetan, tiketaren itzulketarako: komunika@caritabi.org
  • Opil eta txokolatea eramateko kit bat emango da, material ekologikoz egina, beraz, aukerarik onena izango da instalazioetatik kanpo kontsumitzea. Transmisio arriskurik gabeko lekuetan kontsumitzea gomendatzen da, esaterako, etxean.
  • Musukoa jarrita bertaratu behar da, sarreran eskuak garbitu eta tenperatura hartzen utzi.
  • Pertsonen artean 1,5 metroko tartea mantendu behar da, antolatzaileen jarraibideei eta seinaleei jarraituz.

Cookie propioak eta hirugarrenenak erabiltzen ditugu gure zerbitzuak hobetzeko. Surfean jarraitzen baduzu, haren erabilera onartzen duzula ulertuko dugu. Informazio gehiago lor dezakezu gure Cookien Politikan.